Кӗрхи призыв

Октябрь-декабрь уйăхӗсенче çар службине Тутарстан Республикинчен 3 пинрен ытла, çав шутран Çӗпрел районӗнчен 40 çамрăк кайӗç.

Раҫҫей Федерацийӗн Хӗҫ-пӑшаллӑ Вӑйӗсен Генеральнӑй штабӗн представителӗ призывниксене пурне те Раҫҫей Федерацийӗн территорийӗнче вырнаҫнӑ яланхи дислокаци пункчӗсене ярассине палӑртнӑ. 

Призывпа ҫар служби иртекенсене Донецск тата Луганск халӑх республикисене, Херсон тата Запорожье облаҫӗсене ятарлӑ ҫар операцине хутшӑнма ямаççӗ. Çар службине призывпа палӑртнӑ сроксене иртнӗ каччăсене пурне те вӑхӑтлă службăран хăтарса, пурӑнмалли вырӑнсене ӑсатӗҫ.

Палӑртса хӑварас пулать, 2023 ҫулхи октябрӗн 1-мӗшӗнчен пуҫласа административлӑ правӑна пӑсни çинчен калакан Кодекса кӗртнӗ улшӑнусем вăя кӗчӗç. Ҫар учетӗн тӗлӗшпе правăна пӑсакансен тӗлӗшпе штрафсем ӳсрӗҫ. 

— 18 ҫултан пуҫласа 27 ҫулчченхи граждансене ҫар службине чӗнтерсе илесси малалла тӑсӑлать. 2023 ҫулхи декабрӗн 31-мӗшӗччен 27 ҫул тултарнӑ граждансене пурне те палӑртнӑ йӗркепе запаса кӑларӗҫ.
Кӗрхи призыв ҫуркуннерен çакăнпа уйрăлса тăрать: кӗрхи призывпа кӑҫал вӗренсе тухнӑ студентсене пурне те чӗнтерӗç. Графикпа килӗшӳллӗн, ҫар ретне илесси октябрӗн 16-мӗшӗнчен пуҫланать.

Призывниксен виҫӗ пайӗнчен пӗри, яланхи пекех, вӗренӳ соединенийӗсемпе ҫар чаҫӗсене кайӗ, унта пилӗк уйӑхчен хальхи ҫар техникине вӗренеççӗ, ҫарпа учет специальноҫӗсене алла илеҫҫӗ. Вӗренсе пӗтернӗ хыҫҫӑн, вӗсене илнӗ хăнăхăвӗсемпе килӗшӳллӗн, хальхи хӗҫ-пӑшалпа ҫар техникин тӗслӗхӗсене эксплуатацилеме ҫарсене яраҫҫӗ. 

— Çар службине чӗнтернӗ призывниксен пӗр пайӗ тӳрех ҫар службине контрактпа каяссине суйласа илме пултарать. Каччăсем 18 ҫул тултарсан контракт тума пултараҫҫӗ, — тет Пăва тата Çӗпрел районӗсен çар комиссарӗ Радик Тухфатуллин.