Ӗç тăвакан комитетра ҫӗнӗ ертӳҫӗ

Ҫӗнӗ ертӳҫӗне 2023 ҫулхи майăн 5-мӗшӗнче, тăваттăмӗш созыври Тутарстан Республикин Ҫӗпрел муниципаллă районӗн Сăвечӗн ҫирӗм саккӑрмӗш ларӑвӗнче суйларӗç. Ларӑва Ҫӗпрел районӗн пуҫлӑхӗ Марат Гафаров ирттерчӗ.

Конкурс итогӗсемпе конкурс комиссийӗн ертӳçи, район пуҫлӑхӗн çумӗ Алексей Ярухин паллаштарчӗ. Конкурс комиссине икӗ кандидатура: Рустам Искандерович Мухаметзяновран («Чистополье» холдинг компанийӗн «Ҫӗпрел Рассвет Агро» обществăн экономика енӗпе хӑрушсӑрлӑх службин начальникӗ) тата Фаниль Фатыхович Замалтдиновран («Ак Барс банк» холдинг компанийӗн 1 номерлӗ хушма офисӗн начальникӗ) заявлени кӗнӗ.

Депутатсем ларура уҫӑ сасӑлавпа Рустам Мухаметзянов кандидатурине хӳтӗлерӗç.

Рустам Искандерович Мухаметзянов вара тухса калаçса, депутатсене хăйне шанăç пӗлтернӗшӗн тав турӗ.