Ҫар ҫыннисем валли гуманитари пулӑшӑвӗ

Район шайӗнчи гуманитари пулӑшӑвӗ пӗр эрне-вунӑ кун хушшинче тенӗ пек пухăнчӗ. Ăна пухма районта пурӑнакансем, организацисен, предприятисен, ял хуҫалӑх предприятийӗсен ӗҫченӗсем, предпринимательсем пурте хутшӑнчӗҫ. Хӑшӗ укҫапа, хӑшӗ тата куллен кирлӗ таварсемпе пулӑшма васкарӗ.

Палӑртса хӑвармалла, ҫак ырӑ ӗҫрен шкул ачисем те айккинче юлмарӗҫ. Вӗренекенсем ятарлӑ ещӗксене çар çыннисем валли тăван енӗнчен хӗрӳ салам пӗлтерсе, ҫырусем те хучӗҫ. 

«Эпир вӗсемпе мăнаçланатпӑр, вӗсене ырă-сывă таврӑнма сунатпӑр», — теҫҫӗ Алешкин-Саплӑк вӑтам шкулӗнче вӗренекенсем.

Телеграмм-каналра йӗркеленӗ «Дрожжаное—Вместе мы сила!» текен каналта гуманитари пулӑшӑвне пухни тата ӑсатасси мӗнле пыни ҫинчен тӗплӗнрех пӗлме пулать. 

Çиччӗмӗш хут пысӑк гуманитари пулӑшӑвне ертсе пыракан район пуҫлӑхӗ Марат Гафаров, хӑйӗн социаллӑ сетьри страницинче пурне те тав тунине пӗлтерчӗ.

— Волонтерсемпе пӗрле эпир ятарлӑ ҫар операцийӗнче хутшӑнакан каччăсем патне кайма çула тухрăмăр. Гуманитари пулӑшӑвне уйрăм посылкӑсем, автотранспорт валли запас пайсем, газ баллонӗсем, генераторсем, ӑшӑтмалли хатӗрсем, пӑчкӑсем, окоп ҫуртисем, строительство материалӗсем, апат-ҫимӗҫ тата ытти япаласем кӗнӗ. Каччăсемпе тӗл пулса, вӗсен лару-тӑрӑвне пӗлсе, вӗсене пулӑшу мерисене парса таврăнмалла пирӗн. Пурне те пысӑк тав! Эпир пӗрле — вӑй! — тесе ҫырать Марат Ринатович.

Гуманитари пулӑшӑвне тиесе ӑсатас ӗҫе форпостерсем, ҫар юхăмӗн ветеранӗсем, обществӑлла организацисен представителӗсем, «Малтисен юхӑмӗ», волонтерсем хутшӑнчӗç. 

Малалла тăсса

Сентябрӗн 2-мӗшӗнчен пуҫласа Тутарстанра РФ Оборона министерствипе контракт тунӑ ҫынсене 2 миллион тенкӗ укçа тӳлеҫҫӗ. РФ Хӗҫ-пӑшаллӑ Вӑйсен ретӗнче контрактпа служить тăвас, ҫавӑн пекех, премисем, ҫӑмӑллӑхсем тата тӳлевсем ҫинченхи информацие туллинрех 8 (800) 222-59-00, 8(84375) 2-31-50 телефон номерӗсемпе шăнкăравласа илме пулать. heroes-tatarstan. ru сайта кӗрсе пӗлме май пур.