Чүпрәлеләр кул көрәштерүдә җиңделәр

Спорт ярышларында Татарстанның 36 районы һәм шәһәреннән 400дән артык кеше катнашты.

Программа кысаларында йөзү, өстәл теннисы, нард уены, армрестлинг, мини-футбол һәм волейбол ярышлары уздырылды.

Татарстан Республикасы Рәисе спорт кубогын оештыручылар – Татарстан Республикасы Хөкүмәте, «Ватанны саклаучылар» дәүләт фондының Татарстан Республикасындагы филиалы, Татарстан Республикасы спорт министрлыгы һәм Татарстан Республикасы Министрлар Кабинетының сугышчан хәрәкәтләр ветераннары мәсьәләләре буенча Координация советы.

Ярышларда Чүпрәле районыннан махсус хәрби операция каһарманнары Фәнис Хәйруллин һәм Алексей Ягашкин катнашты һәм уңышлы чыгыш ясады. Алексей Ягашкин кул көрәше буенча 80 килограммнан артык авырлык категориясендә 1нче урынны алды, ә Фәнис Хәйруллин шул ук дисциплинада, 100 килограммнан артык авырлык категориясендә, җиңүче булды.