Бәхеткә китергән сыйфатлар

Валентина Григорьевна Чуваш Чүпрәлесе авылында туып-үсә. Балачактан ук колхозда эшли, әти-әнисенең кул арасына керә.

Аның тырышлыгын һәм үзмаксатчанлыгын күршеләре һәм авыл халкы да билгели, бик күпләр аны шушы сыйфатлары өчен хөрмәт итә.

Язмышы аны үзе кебек үк уңган-булган егет Евгений Иванович белән бәйли. Алар 8 бала тәрбияләп үстерәләр. Хәзер аларның 24 оныгы һәм 2 оныкчыгы бар. Бу исә гаилә агачының тамырлары бик тирәнгә киткән, дияргә мөмкинлек бирә. 

Валентина Григорьевна һәм Евгений Иванович үз балаларын яратып һәм кайгыртучанлык күрсәтеп тәрбияләгәннәр, һәм хәзер үзләренә карата да шундый ук мөгамәләне тоеп яшиләр.

Юбилейлы туган көне уңаеннан күп балалы әнине район башлыгы урынбасары Алексей Ярухин да котлады. Ул:

" Валентина Григорьевна белән Евгений Ивановичларның гаилә тарихы— мәхәббәт һәм тугрылык үрнәге. Һәм бу нәтиҗәдә бәхет һәм гармониягә китерә. Сез хәзерге буынга гаилә кыйммәтләренең никадәрле мөһим булуын күрсәтәсез", диде.