Кече Чынлы авылы мәдәният йортында “Олы хөрмәт сезгә” кичәсе узды

Бу көнне чарага авыл халыкының олы хөрмәтенә лаек булган кешеләребез җыелды. Алар сугыш чоры, авыр еллар кичкән буын. Алар әлеге бәйрәмне ел саен көтеп алалар. "бер күрешү-үзе бер гомер" диләр бит. Чәй табыны артында рәхәтләнеп сөйләшеп, күңел ачып кайталар.

Быел да кичәдә алар өчен матур җырлар җырланды, мөнәҗәтләр әйтелде. Өлкәннәребез үзләре дә моңлы баян тавышына кушылып җыр сузды, биеде, хәтта яшьлек елларын искә алып "йөзек салыш" һәм башка уеннар уйнадылар. Һәркайсының йөзеннән нур бөркелде, рәхмәтләр белдерделәр алар.