Татарстанда хатын-кызларга түләүләрне арттырырга җыеналар

Бу уңайдан тиешле проект гамәлгә ашырыла. Аның нигезендә, 25 яшькә кадәрге хатын-кызларга беренче бала туганда бирелә торган түләүне 50 мең сумнан 100 мең сумга кадәр күтәрергә тәкъдим ителә. Ә инде 29 яшькә кадәрге әниләр өчен өченче һәм аннан соңгы һәр балага түләү күләмен 100 меңнән 200 мең сумга кадәр арттыру карала.

Түләүләрне алу өчен хатын-кызларга кимендә өч ел авыл җирендә яки шәһәр тибындагы бистәләрдә даими яшәү таләп ителә. Әлеге чара авылларда демографик хәлне яхшыртуга, яшь гаиләләрне авылда калдыруга һәм күпбалалы гаиләләр санын арттыруга юнәлтелгән.