Татарстанда Бөек Ватан сугышы ветераннарына 100әр мең сум түләүне карыйлар

Татарстанда Бөек Ватан сугышында Җиңүнең 81 еллыгына сугыш инвалидларына һәм ветераннарына бер мәртәбә 100әр мең сум акча түләргә ниятлиләр. Республика Рәисенең тиешле указ проекты хәзер коррупциягә каршы экспертиза уза.

Документта түләүләр 2026 елның маенда башкарылырга тиешлеге күрсәтелгән. Аларга хокукны Бөек Ватан сугышы инвалидлары, шулай ук 1995 елның 12 гыйнварындагы 5 нче номерлы «Ветераннар турында»гы федераль законда каралган категорияләргә керүче ветераннар ала.