Татарстанда 300гә якын кеше Пилотсыз системалар гаскәрләрендә хезмәт итәргә киткән

2026 ел башыннан алып Татарстанда 300гә якын кеше Пилотсыз системалар гаскәрләрендә хезмәт итәргә киткән.

Хәрби хезмәткәрләр арасында Татарстанга Россиянең башка төбәкләреннән – Марий Эл, Чувашия Республикалары, Самара өлкәсеннән килүчеләр дә бар.

Контракт бер елга төзелә. Хәрбиләр Пилотсыз системалар гаскәрләрендә генә хезмәт итәчәк һәм шәхси теләкләреннән башка башка гаскәрләргә күчерелмәячәк.

Искәртеп үтәбез, Татарстанда РФ Саклану министрлыгы белән контракт төзергә теләгән гражданнарга түләүләр елына 7 500 000 сумга кадәр арттырылды, бу – илдә иң югары түләүләрнең берсе һәм Идел буе федераль округында иң югарысы. Моннан тыш, нәкъ менә Татарстанда махсус хәрби операциядә катнашучыларга һәм аларның гаиләләренә ярдәм итүгә юнәлдерелгән өч меңнән артык муниципаль акт кабул ителгән.

Контрактның минималь вакыты – бер ел. Моннан тыш, хәрби хезмәткәрне башка гаскәрләргә күчермәячәкләр, өйрәтү Татарстан белән күрше төбәкләрдә ким дигәндә ике ай дәвам итәчәк.

РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры һәм 117 кол-үзәк төбәкара номеры буенча мөрәҗәгать итәргә була.