Казанда законсыз урнаштырылган белдерүләр өчен штрафларны арттырачаклар

Казанда реклама листовкаларын һәм белдерүләрне законсыз урнаштыруга каршы чараларны катгыйландырырга планлаштыралар. Эшлекле дүшәмбедә Административ-техник инспекция идарәсе башлыгы Артур Мөхәммәтшин тиешле тәкъдим белән чыгыш ясады.

Аның сүзләренә караганда, басма продукциянең шактый өлеше яктырту баганаларында, светофорларда, Юл билгеләрендә һәм җәмәгать транспорты тукталышларында күренә, бу шәһәрнең тышкы кыяфәтенә тискәре йогынты ясый. Даими рейдларга һәм гамәлдәге штрафларга карамастан, тәртип бозучылар эшләрен дәвам итәләр. Сәбәпләрнең берсе дип физик затлар өчен артык түбән санкцияләр атыйлар.

Административ хокук бозулар кодексының 3.5 маддәсе буенча штрафны 1 меңнән 3 мең сумга кадәр арттырырга тәкъдим иттеләр.