Чүпрәлеләр “Күрше” фестивале буенча 500 мең сумлык грант отты

Татарстан Республикасы Милли китапханәсендә «Күрше» социаль проектлар фестиваленең җәйге сезон җиңүчеләрен бүләкләү тантанасы узды.

Республиканың төрле районнарыннан катнашучылар әлеге проектта үзләренең төрле юнәлештәге инициативаларын тәкъдим иттеләр, ә иң яхшы, дип табылганнары аларны гамәлгә ашыруга финанс ярдәме алдылар.

Җиңүчеләр арасында «Чүпрәле бердәмлеге: гаилә, ышаныч, татулык» проекты да лаеклы бәяләү тапты. Әлеге проектның авторлары: район мәдәният йорты хезмәткәрләре Виктория Волкова һәм Гүзәл Бахитова. Проектның суммасы–500 000 сум дип бәяләнә.

Әлеге грант ярдәме районыбызда мәдәни традицияләрне саклауга, гаилә бәйләнешләрен ныгытуга һәм милләтара мөнәсәбәтләрне гармонияләштерүгә юнәлдерелгән чаралар уздыруга тотылачак.