Чүпрәледә иң яхшы хоккей командалары ачыкланды

Чарада районның төрле оешма вәкилләрен берләштергән командалар катнашты. Уен йомгаклары буенча 1нче урынны район хакимиятенең  “Дуслык” командасы яулады һәм турнирның Кубогына ия булды. Районның спорт мәктәбе командасы – 2нче урынга, “Силовики” командасы 3нче урынга лаек дип табылды.

Шулай ук турнирның иң яхшы уенчылары да билгеләнде. Руслан Мресов — “Иң яхшы сакчы” (спорт мәктәбе командасы), Дәниф Шәрәфетдинов — “Иң яхшы һөҗүмче” (“Дуслык” командасы), Илфат Җамалетдинов – “Иң яхшы капкачы” (“Силовики” командасы) дип табылдылар.

Район Башкарма комитеты җитәкчесенең социаль мәсьәләләр буенча урынбасары Айрат Җәлалов призлы урыннарны яулаган командаларны җиңүләре белән котлады һәм районда хоккейны популярлаштырганнары өчен хоккейчыларга һәм җанатарларга рәхмәт сүзләрен җиткереп, Грамоталар, истәлекле бүләкләр тапшырды.

Турнир алкалы хоккей буенча федерация филиалы җитәкчесе Васил Сәлаховның иганәчелек ярдәме белән узды.