Чүпрәле студентлар командасы –икенче

Алексеевск районында узган зонаара чаңгы  ярышларында Чүпрәле тармак технологияләре техникумы җыелма командасы катнашты.

Һөнәри белем бирү йортлары укучылары арасындагы Спартакиада  кысаларында  студент егетләр 5 км дистанцияне үтеп, мактаулы икенче гомумкоманда урынын яуладылар. 

Тренерлары Илфак Сәлахов җитәкчелегендә Егор Куракин, Данил Патрин, Никита Лукьянов һәм Женя Голубчик, шулай итеп, Татарстанның иң көчле 8 команда исемлегенә керде.

 Студент чаңгычыларны алда республика дәрәҗәсендә финал ярышлар көтә, уңышлар телик!