Чүпрәле районы башлыгы Марат Гафаровның 8 Март-Халыкара хатын-кызлар көне уңаеннан котлавы

Бәйрәм белән!

Чүпрәле районы башлыгы Марат Гафаровның 8 Март-Халыкара хатын-кызлар көне уңаеннан котлавы.

8 Март – назлылык, яз, мәхәббәт һәм изгелек бәйрәме белән иң җылы, ихлас һәм ихлас күңелдән котлауларны кабул итегез!

Хатын-кыз булу –югары миссия. Сез дөньяга яңа тормыш бүләк итәсез, гаилә учагын саклыйсыз, өйләребездә җылылык булдырасыз. Сез –шатлык һәм гармония чыганагы, илһам көче, тормыш терәге. Сез безне игелекле эшләргә рухландырасыз, тормышыбызга яктылык, нур һәм матурлык өстисез. Сез –рухи хәзинәләребезне, мәдәниятебезне һәм туган телебезне саклаучылар, яшь буынга тапшыручылар.

Бүгенге көндә хатын-кызларыбыз җәмгыять эшчәнлегенең барлык өлкәләрендә дә үзен актив күрсәтә. Сәламәтлек саклау, социаль тәэмин итү, мәгариф һәм мәдәният, сәүдә һәм җәмәгать туклануы кебек тормыш өчен мөһим өлкәләрдә гүзәл затларыбыз фидакарь хезмәт куя. Бөек Ватан сугышы елларында да, бүгенге көндә дә тылда хатын-кызларыбызның башкарган хезмәте бәяләп бетергесез. Илебез иминлеге, республика, район үсеше өчен керткән өлешегез өчен олы рәхмәтлебез Сезгә, хөрмәтле гүзәл затлар!

Кадерле хатын-кызларыбыз! Язның тәүге бәйрәме Сезгә иксез-чиксез бәхет-сөенечеләр бүләк итсен, якыннарыгызның җан җылысын, ихлас кайгыртуын, игътибарын тоеп яшәгез! Янәшәгездә һәрвакыт сезне аңлап, назлап торучы көчле затларыгыз, газиз балаларыгыз булсын! Яшәешегез һәрвакытта да шатлык белән тулып торсын, гаиләләләрегездә татулык, тигезлек булсын, йөзегездән елмаю, кулларыгыздан күркәм чәчәк бәйләмнәре төшмәсен!

Бәйрәм белән Сезне!