2026 елда ипотека буенча түләүләр 21 мең сумга кимергә мөмкин

Кредитлар өчен базар ипотекасы буенча айлык түләү 2026 елда уртача 21,7 процентка кимергә мөмкин. «РБК Недвижимости» исәпләп чыгарганча, Казанда бер бүлмәле фатир сатып алганда сумма 21 мең сумга кимиячәк – 96,7 меңнән 75,7 мең сумга кадәр.

Финанс министрлыгы фаразы тормышка ашкан очракта, 2026 елда базар ипотекасы буенча ставкалар 5 процент пунктка кимергә мөмкин – хәзерге 21 проценттан 16 процентка кадәр. Нәкъ менә шундый сценарий вакытында яңа ипотека кредитлары буенча айлык йөкләнеш түбәнрәк булачак.

Мәскәүдә айлык түләү 44,5 мең сумга кимиячәк – 204,8 меңнән 160,3 мең сумга кадәр. Башкалада торак бәясе югары булу сәбәпле, анда кимү күрсәткече мегаполислар буенча уртача күрсәткечтән өч тапкырга күбрәк булачак.

Санкт-Петербургта түләү 25,3 мең сумга кимергә мөмкин - аена 116,6 меңнән 91,3 мең сумга кадәр. Түбән Новгородта түләү 16,4 мең сумга кимергә мөмкин – аена 75,4 меңнән 59 мең сумга кадәр.