Иске Чокалы авылы китапханәсендә өлкән яшьтәге китап укучылар белән фикер алышу узды

Өлкән буын инде ул үз телебездә төшерелгән татарча фильмнарны, сериалларны үз итә. Күптән түгел "Татарстан яңа гасыр" телеканалыннан Г.Әпсәләмовның "Ак чәчәкләр" романы буенча төшерелгән фильмны да алар аеруча да яратып кабул иттеләр. Романда автор геройларның рухи халәтен оста күрсәтеп, кеше күңеленең нечкәлеген һәм катлаулылыгын тирәнтен ачарга тырыша. Шулай ук А.Хәлимнең "Өч аяклы ат", Г.Исхакый "Зөләйха", Х.Ширмән "Ерактагы йолдызым" һ.б. китаплар буенча да татар фильмнары күрсәтелде һәм аларны китапханәдән дә алып укырга мөмкин.