Кичә. Бүген. Иртәгә
Чүпрәле укытучылары Г.Тукайның 130 еллыгына багышланган конференциядә катнашты
15нче апрель көнне Г.Тукай әдәби музеенда Татарстан Республикасы мәгариф һәм фән министрлыгы, Татарстан Республикасы мәдәният министрлыгы татарфыннан оештырылган "Без - Тукайлы халык" исемле фәнни-гамәли конференция үткәрелде.
Биредә язучылар, галимнәр, укытучылар, артистлар, музей хезмәткәрләре катнашты.
Конференциягә җибәрелгән 132 эш арасыннан икенче турга 68 фәнни-эзләнү эше сайлап алынган. Бөек шагыйребезнең иҗади мирасын өйрәнүгә багышланган әлеге зур чарада катнашу хокукына безнең районнан ике татар теле һәм әдәбияты укытучысы ия булды: Беренче номерлы Иске Чүпрәле урта мәктәбеннән - Миңзифа Таҗетдинова, Иске Шәйморза урта мәктәбеннән - Зөлфия Арсланова. Алар тирән эчтәлекле фәнни-эзләнү эшләрен яклап, Татарстан Республикасы Мәгариф һәм фән министрлыгының дипломнары белән бүләкләнделәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев