Хусанта автомобильпе ҫӳрес енӗпе ӑмӑртрӗç
Конкурсра пирӗн район чысне Çӗпрелӗнчи отрасль технологийӗсен техникумӗн студенчӗсем хӳтӗлерӗç.
Хусанта 16-18 ҫулхи яшсемпе хӗрсем хушшинче автомногоборье енӗпе республика конкурсӗн финалӗ иртнӗ.
Унта Ҫӗпрелӗнчи отрасль технологийӗсен техникумӗн студенчӗсем: Виктор Фомин, Алмаз Хайруллов тата Григорий Борисов хутшӑнчӗç.
Кӑҫал конкурса 26 команда составӗнче 78 ҫын хутшӑнакан килнӗччӗ. Ӑмӑртусем уйрăм тата команда зачечӗсенче иртрӗҫ.
Хутшӑнакансем ҫул-йӗр юхăмӗн правилисене пӗлнине, ҫӑмӑл автомобильпе çӳремелли хӑнӑхусене кӑтартса пачӗҫ.
Конкурсăн пӗтӗмлетӗвӗсем тӑрӑх пирӗн Ҫӗпрелӗнчи отрасль технологийӗсен техникумӗн студенчӗсен команди 6-мӗш вырӑн йышӑнчӗ, Виктор Фомин вара уйрăм зачетра 8-мӗш вырӑна çӗнсе илчӗ.
Следите за самым важным и интересным в Telegram-каналеТатмедиа
Нет комментариев