«Хресчен пӳрчӗ» тӑрӑх çулçӳрев

Çу уйăхĕн 16-мĕшĕнче,  уроксем хыççăн, Çĕнĕ Упи шкулӗнче вăтам классенче вĕренекенсем «Хресчен кил картишӗнче» квест-вӑййа хутшӑнчĕç. Хутшăнакансем командӑсем çине пайланчӗҫ, «Хресчен пӳрчӗ» тӑрӑх тӗлӗнмелле «ҫулҫӳреве» кайрӗҫ.

Чӑвашсен йӑли-йӗркипе, авал усă курнă япаласемпе, пурнӑҫ йӗркипе, алӑсталӑхĕпе паллашрĕç. Вӑййӑн кашни тапхӑрӗ интереслӗ  ыйтусемпеччĕ, ачасем музей залӗнче тупма пултарнӑ хуравасене шырарĕç. QR-код пулӑшнипе сăмахкаçмăш ыйтӑвӗсем ҫине хуравсем шырарĕç (ӳкерчӗкре).

Ачасем пӗр-пӗринпе хастар хутшӑнса ӗҫлерӗç,  вӗсен йӑла-йӗркепе культура ҫинчен ытларах пӗлес килчӗ. Вӑйӑ тапхӑрӗсем витӗр тухсан, шкул ачисем хресченсен йӑли-йӗркине чӑн-чӑн пӗлекенсем пулса тӑчӗҫ.