Хӑнана ҫӳресси – ҫӑмӑл ӗҫ мар
Нарӑсӑн 9-мӗшӗнче П.Дементьев музейӗнче, Тутарстанра Наци культурисемпе йăли-йӗркисен çулталăкӗн шайӗнче, «Халӑхсене хӑналас йӑла-йӗрке» музейри урок иртрӗ.
Хӑнана ҫӳресси те – ҫӑмӑл ӗҫ мар, чӑн-чӑн ӑслӑлӑх та иккен. Чӑваш тата вырӑс халӑхӗсен тараватлӑх йӑлисем ҫынсен тӗнче курӑмне уҫаҫҫӗ.
Хӑнасене ырă йӑлапа ҫӑкӑр-тӑварпа кӗтсе илчӗҫ. Кил хуҫи занятире хӑнасене мӗнле кӗтсе илмелли, кил-ҫурта хӑнасем мӗн илсе килни, хуҫисем мӗнпе хӑналани, мӗнле ӑсатса яни ҫинчен каласа пачӗ.
Хутшӑнакансем, çаплах, чей ӗҫмелли вӑрттӑнлӑхпа тата хӑнара хӑвна мӗнле тытмалли, тӗрлӗ лару-тӑрупа усӑ курмалли правилӑсемпе паллашрӗҫ.
Мероприятире ачасем ытти наци халӑхӗсен хӑналас йӑла-йӗркисем ҫинчен те электронлă хӑтлав пӑхса интересленчӗç.
Йӑласемпе паллашнӑ хыҫҫӑн, пурте сӗтел хушшине вырнаҫса ларса, сӑмавар патӗнче шушкӑпа сӑйланса, техӗмлӗ чей ӗҫсе киленчӗҫ.
Следите за самым важным и интересным в Telegram-каналеТатмедиа
Нет комментариев