Вӗренекенсене апат-çимӗç пуххисем
Çӗпрел районӗнчи вӗренекенсене, дистанци вӗрентӗвӗ çине куçнă май, апат-çимӗç пуххисене валеçрӗç
Вӗренӳ ҫулӗнче пӗлӳ паракан учрежденисенче вӗренекенсене тӳлевсӗр апатпа тивӗҫтереҫҫӗ. Март уйӑхӗнчен пуҫласа вӗренекенсем малтан каникул вӑхӑтӗнче пулнӑ, унтан дистанци вӗрентӗвӗ çине куҫрӗç. Ҫавна май район ертӳçи, çутӗç пайӗ шкул ачисене шкулти столовӑйсенче ҫиме тивӗçлӗ апат-ҫимӗҫе вӗсене килӗсене парас енӗпе решени йышăнчӗç.
– Коронавируспа пулса иртнӗ лару-тӑрӑва пула вӗренекенсем апрель уйăхӗнче дистанцилле вӗренме пуҫланӑ. Вӗренӳ ҫулне те ҫав форматпах вӗҫлӗҫ. Ҫавӑнпа та ҫак тапхӑрта, апрель, май уйӑхӗсенче, апат-ҫимӗҫ пуххине вӗренекенсене хăйсене валеçмелле текен решени йышӑнчӗҫ. Апат-ҫимӗҫе Ҫӗпрел районӗнчи пур вӗренекен те илӗҫ, – тесе палӑртса иртрӗ вӗренӳ пайӗн ертӳçи Ильсур Халитов.
Апат-ҫимӗҫ пуххисенче кӗрпе, макарон, сахӑр, ҫу, ҫӑкӑр, чей пур.
Апат-çимӗç пуххисене пӗлӳ паракан учрежденисем урлӑ пурнӑҫлаҫҫӗ. Шкул администрацийӗ апат-ҫимӗҫ пуххисене илнӗ тапхӑрта вӑхӑт интервалне палӑртнӑ.
Ашшӗ-амӑшӗсем палăртнă дистанцие, маскă-перчеткесен режимне сыхлаççӗ.
Следите за самым важным и интересным в Telegram-каналеТатмедиа
Нет комментариев