Водительсем 2023 ҫулта патшалăх пошлинишӗн, техосмотршăн тата ОСАГОшăн ытларах тӳлӗç

Патшалăх пошлинин сумми улшӑнӗ. Пӗлтӗр транспорт хатӗрӗн конструкцине улшӑнусем кӗртме ирӗк илесси тӳлевсӗр пулнӑ, кӑҫал вӑл 1000 тенкӗ тӑрать.

Транспорт хатӗрӗн хӑрушсӑрлӑх требованийӗсене тивӗҫтерекен свидетельство панӑшӑн пошлина 800 тенкӗрен 1500 тенкӗ таран ӳснӗ. Транспорт хатӗрне хӑрушӑ грузсем турттарма ирӗк пани ҫинчен калакан свидетельство та халӗ 1500 тенкӗ тӑрать, ӑна вăрăмлатасси – 1000 тенке ӳкет. Унсӑр пуҫне кӑҫал автомобиле регистрациленӗ тата водитель удостоверенине илнӗ чухне патшалăх пулӑшӑвӗ урлă патшалăх пошлинине тӳлемелли 30 процент çăмăллăха пӑрахӑҫланӑ.