Виноград ӳстернӗшӗн Сертификат

Мероприятире опытлӑ виноград ӳстерекен ӑстасем тӗрлӗ йышши ҫырлисемпе паллаштарчӗҫ.

Кӗҫӗн Чăнлă ялӗнчи Ильдус Валиуллов та унта хутшӑнчӗ. Паян унӑн садӗнче 20 яхăн виноград сорчӗ ӳсет.

Виноград кунӗ — йӑлана кӗнӗ уяв, ăна темиҫе ҫул каялла Ульяновск облаҫӗнче ирттерме пуҫланӑ. Унта тӗрлӗ облаҫсемпе регионсенчи виноград ӳстерекенсем хутшӑнаҫҫӗ, мастер-классем иртеҫҫӗ.
Уяв пӗтӗмлетӗвӗсем тӑрӑх, район ҫыннине «Чи тутлӑ сорт» номинацире 15 пин тенкӗлӗх Сертификат панӑ.