Ветерансене саламларӗç

Кун пирки шалти ӗҫсен районти уйрăмӗнче лару пулчӗ. Унта уйрăмăн ӗçченӗсемпе пӗрле районти Ӗҫ тӑвакан комитетăн ертӳҫи Рустам Мухаметзянов, Раççей Шалти ӗçсен министерствин Ҫӗпрел районӗнчи Общество совечӗн ертӳçи Рамиль Абдрахманов та хутшӑнчӗç.

Ветерансене районти Ӗҫ тӑвакан комитетăн ертӳҫи Рустам Мухаметзянов, Раççей Шалти ӗçсен министерствин Ҫӗпрел районӗнчи уйрăмӗн Общественность енӗпе начальникӗн ҫумӗ Ильнар Султанов, ветерансен совечӗн ертӳçи, отставкӑри милици майорӗ Фариз Шакиров саламларӗҫ. Вӗсем хисеплӗ ветерансене хастар та тухӑҫлӑ ӗҫленӗшӗн, ҫитӗнекен ӑрӑва патриотла воспитани парас ӗҫе пысӑк пай кӗртнӗшӗн тав турӗҫ.

Уяв ячӗпе шалти ӗҫсен ветеранӗсене парнесем, чечексем пачӗҫ.

Ун хыççăн ветерансем хушшинче шахмат-шашкӑ енӗпе турнир та пулса иртрӗ.