Утă çине тухӗç

Районта ял хуҫалӑхӗпе апат-çимӗç министерствин аппарачӗн специалисчӗсем, районти ял хуçалăх управленийӗн начальникӗпе консультанчӗсем, районти «Гостехнадзор» уйрăмӗн начальникӗ кӗнӗ составра комисси ӗҫлерӗ. 

Комисси районти ял ху-ҫалӑх формированийӗсен машинӑпа трактор паркӗсене ҫитсе курчӗ. Хатӗррисен линийӗ ҫине курăк пухакан комбайнсем, пресс-подборщиксем, кӑкармалли агрегатсем, грузовиксем, тракторсем лартнӑччӗ.

Мӗнпур хăй çӳрен машинăсене пурне те пушар сӳнтермелли хатӗрсемпе, аптекӑсемпе, аварийӗн чарӑну паллисемпе комплектланӑ. Выльӑх апачӗ хатӗрлекен техникӑна çӳретме тивӗçлӗ категорийӗ пулнă механизаторсене палăртнă.

Комисси «Цильна», «Çӗпрел Рассвет Агро», «Агро Вест» обществăсенче, «Низамов А. А» хресчен-фермер хуçалăхӗнче, «АгроТрансПорт» хуçалăхӗнче пулса курчӗç. «Цильна», «Çӗпрел Рассвет Агро» обществăсем чи пысӑк балсене тивӗçлӗ пулчӗç, техника апат хатӗрлес ӗҫе туллин хатӗр тесе палăртрӗç.