Уписем çĕнтерĕве çывхартнă

Нумаях пулмасть çар юхăмĕн ветеранӗсем Марс Саяпов, Владимир Ярухин тата Виктор Петухов Упири маскировка сетки ҫыхакан чи хастар волонтерсене, ҫар чаҫӗн командованийӗ ятĕнчен Тав ҫырӑвӗсем парса чысларĕҫ. 

Ҫавӑн пекех мероприятие Ҫӗпрел район пуҫлӑхӗн ҫумӗ Алексей Ярухин тата Упи ял тăрăхĕн пуҫлӑхӗ Александр Ярухин та хутшӑнчĕ. 

Хӑнасем волонтерсене ырă кăмăлĕсемшĕн тата хастар ӗҫӗсемшӗн чун-чĕререн тав турӗҫ, ятарлă ҫар операцийӗн зонинче маскировка сеткисен пӗлтерӗшӗ пысӑк пулнине палӑртрӗҫ. Паянхи пурнăҫра волонтерсен пулӑшӑвӗ питĕ хаклӑ, ҫĕршывшăн ҫăмăлах мар вăхăтра пирĕн салтаксене пулăшас, ҫĕнтерĕве ҫывхартас тесе пĕтĕм вăйĕсене хураҫҫĕ вĕсем. 

Аса илтеретпӗр, Упири Культура ҫуртĕнче маскировка сеткисене икӗ уйăха яхăн каярах ҫыхма пуҫланӑ.

Шкулта вӗренекен ачасем те ҫитӗннисемпе пĕр тан ӗҫленӗ. Ҫак кĕске вăхăт хушшинче волонтерсем 30 яхӑн сетка ҫыхcа хатĕрленĕ, ку ĕҫе малалла тăсаҫҫĕ.