Уяв умӗн

Вӑхӑт иртнӗҫемӗн, районта вӑрҫа хӑйсен куҫӗпе курнă ветерансем юлмарӗç. Тӑван çӗршывӑн Аслӑ вӑрҫи çулӗсенчи выҫлӑха тӑван енче юлса туйнă тата юлашки ҫӑкӑр татӑкӗсене ҫӗнтерӳшӗн тесе, фронта янӑ тыл ӗҫченӗсен йышӗ те сахалланса пырать. Ҫак кунсенче вӗсене шкулсене, Культура çурчӗсене чӗнеҫҫӗ. Вӗсемпе тӗлпулусем ирттереҫҫӗ. Вӑрҫӑн нуши-тертне курнисем ҫав ҫулсене аса илеҫҫӗ. Ҫакӑн пек тӗлпулусене район центрӗнчен ертӳҫӗсем, ял тăрăхӗсен пуçлăхӗсем килеҫҫӗ. Тыл ӗçченӗсене, ветерансене Тутарстан Республикин Раисӗн Р.Н.Миннихановăн ячӗпе тата район ертӳҫинчен парнесем параҫҫӗ.