Тыл ӗçченне саламларӗç

Николай Дмитриевич Кӗçӗн Упи ялӗнче ҫуралса ӳснӗ, пурнӑҫӑн ытларах пайне унти ҫынсемшӗн тăрăшса, вăй хурас ӗçе халалланӑ. 1937 ҫултан пуҫласа 1941-мӗш ҫулччен вӑл вырӑнти пуҫламӑш шкулта вӗреннӗ, анчах Тăван çӗршывăн Аслӑ вӑрҫи пуҫланнӑран, вӗренме пӑрахма тӳрӗ килет.

Ҫарта службӑра пулнӑ хыҫҫӑн вӑл килне таврӑнать, 1955 ҫулта Клавдия Ивановнапа çемье çавăрать. Пӗрле пилӗк ача пӑхса ӳстереҫҫӗ, юратупа тӑрӑшулăх ҫемье телейӗн никӗсӗ пулса тӑрать.

Николай Дмитриевич хӑйне шанса панă ӗçсене яланах тӗплӗн пурнăçланипе палăрса тăнă. Нумай ҫул хушши Упи участокӗнчи больницӑра завхоз пулса ӗҫлет. Ӗҫе тӳрӗ кăмăлпа пурнăçланăшăн панă наградисем те нумай унăн. 1998 ҫулта вӑл тивӗçлӗ канăва тухнă, унӑн ӗҫ ҫулӗ вара, хӑйне пӗлекенсемшӗн пуриншӗн те — ҫутӑ та асра юлмалăх.

Паян Николай Наумов тивӗҫлӗ канупа киленсе, мӑнукӗсемпе кӗçӗн мӑнукӗсене савӑнса пурăнать. Ҫак паллӑ кун вӗсем пурте унӑн сумлă юбилейне уявласа ирттерме пуçтарăннăччӗ.

Юбиляра саламлама Ҫӗпрел районӗн пуҫлӑхӗн çумӗ Алексей Ярухин тата Упи ял тăрăхӗн пуçлăхӗ Александр Ярухин та килнӗччӗ. Николай Дмитриевича ҫирӗп сывлӑх, телей тата юратнӑ ҫемйин ытамӗнче нумай ҫул пурӑнма сунчӗç.