Тупӑш ҫинчен отчет пама вӑхӑт

Ҫакӑ граждансен налог суммине хӑй тӗллӗн шутласа, 2022 ҫулта тупӑш илнӗ пулсан, налук органне 3-НДФЛ формипе физически лицосем тупӑшӗсем валли налук декларацийӗ тӑратмаллине пӗлтерет:

– харпăрлăхра пулнă пурлӑха сутнинчен;

– пурлӑха арендӑна панинчен;

– хаклӑ хутсем сутнинчен;

– ҫывӑх тăванӗ пулман  ҫынсенчен куçăмсăр пурлăх, транспорт хатӗрӗсем, акцисем, пайсене парне пулнă май илнӗ чухне;

– выляса илсен;

– Раҫҫей Федерацийӗн тулашӗнчи ҫӑлкуҫсенчен тупăш илнӗ чухне.

Çавăн пекех, илнӗ тупӑшсене те уйрӑм предпринимательсем, уйрӑм практикӑпа ӗҫлекен нотариуссем, адвокат кабинечӗсене йӗркеленӗ адвокатсем те деклараци пама тивӗçлӗ.

3-НДФЛ формипе налук декларацийӗсене хӑйне шута илнӗ вырӑнпа кирек мӗнле мелпе те налог органне пама пулать. 3-НДФЛ декларацине Раҫҫей Федераллă налог службин сайчӗ ҫинче «Личный кабинет для физических лиц» сервис урлӑ тӑратма меллӗрех, унта даннӑйсен чылай пайне тултарса лартнӑ.

Деклараци памалли вăхăт – 2023 ҫулхи майӑн 2-мӗшӗнчен кая юлмасӑр, физически лицосен тупӑшӗсем валли налук тӳлемелли вăхăт – 2023 ҫулхи июлӗн 17-мӗшӗнчен кая юлмасӑр. Деклараци формине 29.09.2022 çул, ЭД-7-11/880 № приказпа ҫирӗплетнӗ.

Раҫҫей Федераллă налог службин Тутарстан Республикинчи управленийӗ аса илтерет: 2023 ҫулхи ҫу уйӑхӗн 2-мӗшӗнче деклараци памалли юлашки срок налук расчечӗсене илесси çине пырса тивмест. Кун пек декларацисене ҫулталӑк хушшинче кирек хӑш вӑхӑтра та пама пулать.