«Туган як» хаҫат редакцийӗ Тутарстанра пурӑнакан халӑхсен представителӗсене хаçатра ҫутатмалли конкурсра ҫӗнтерчӗ

«Туган як» («Тăван ен») хаҫат редакцийӗ Тутарстан Республикинче пурӑнакан халӑхсен культурине, чӗлхине, йӑли-йӗркине сыхласа хăварас, аталантарас енӗпе проексем тăвас тата массӑллӑ информаци хатӗрӗсенче сарас енӗпе грант илмелли конкурсра ҫӗнтерӳҫӗ пулса тӑчӗ.

«Татмедиа» пичет тата массӑллӑ коммуникацисен енӗпе ӗçлекен республикăри агентствин ертӳҫи Айдар Салимгараев каланӑ тӑрӑх, конкурса заявкӑсене 56 редакцирен янӑ, вӗсен хушшинчен 34 проекта суйласа илнӗ.

Конкурса Тутарстан Республикин Президенчӗ ҫумӗнчи Тутар чӗлхине тата Тутарстан Республикинче пурăнакан халăхсен представителӗсен тăван чӗлхисене сыхласа хӑварас, аталантарас ыйтусен комиссийӗ, Тутарстан Журналисчӗсен союзӗ пулăшнипе, «Татмедиа» пичетпе массӑллӑ коммуникацисем енӗпе   ӗçлекен республикӑри агентстви йӗркелерӗ.