Техникумăн студенчӗсен команди – иккӗмӗш

«Автосессия» конкурсӗнче республикӑри 14 хуларан тата районсенчен 42 ҫын хутшӑнчӗ.

Команда зачетӗнче Раҫҫей патшалӑх правосуди университечӗн Хусанти филиалӗн вӗренекенӗсем çӗнтерчӗç. Иккӗмӗш вырӑна  «Ҫӗпрелӗнчи отрасль технологийӗсем техникумӗн» студенчӗсем йышӑнчӗç. КНИТУ-КАИ Чистополь филиалӗн курсанчӗсем виҫҫӗмӗш вырăнта пулчӗç.

Аса илтеретпӗр, республикӑри конкурсӑн финал пайӗнче пирӗн район чысне хӳтӗлесе «Ҫӗпрелӗнчи отрасль технологийӗсен техникумӗн» студенчӗсем Антон Сурков, Артем Годунов тата Павел Мынин вăй виçрӗç.

Ҫӗнтерӳҫӗсене кубоксем, медальсем, дипломсем тата хаклӑ парнесем пачӗҫ.

Артем Годунов теори пайӗнче заданисене 53 çеккунтра ӗçленӗ. «Ку республикăра та чи пысăк кăтарту. Акă вӗт мӗнле пирӗн техникумăн студенчӗсем!», – терӗ район пуçлăхӗ Марат Гафаров. Вăл çӗнтерӳçӗ студентсене канашлăва чӗнсе илсе чысларӗ.