«Солнышко» ача сачӗ – 500 пин тенкӗлӗх грант хуҫи

Тутарстанра «Чи лайӑх билингваллӑ ача сачӗ» республика конкурсне пӗтӗмлетрӗç.

Кӑҫал конкурса 48 шкул çулне çитичченхи ачасене пӗлӳ паракан организацисенчен заявкӑсем панӑ. Вӗсенчен 10 ача сачӗ  кашниех 500 пин тенкӗ виҫепе грант выляса илнӗ. Ҫӗнтерӳҫӗсем хушшинче  1 номерлӗ Кивӗ Çӗпрелӗнчи «Солнышко» ача сачӗ те пур.

Кивӗ Çӗпрелӗн «Солнышко» ача сачӗ иккӗмӗш хут «Чи лайӑх билингваллă ача сачӗ» конкурсăн грантне иккӗмӗш хут çӗнсе илчӗ. Пӗрремӗш хут ача сачӗ 2014 ҫулта ҫӗнтерӳҫӗ пулса тӑнӑччӗ, 1 миллион тенкӗ виҫепе грант илнӗччӗ.  2015 ҫулта, ҫавӑн пек гранта,  Кӗçӗн Чăнлă ача сачӗ те илнӗччӗ.