Шалти ӗçсен уйрăмӗн ветеранӗсем хӑйсен уявне палӑртрӗҫ

Мероприяте ветерансене – тивӗçлӗ канăва тухнӑ çак службăн ӗçченӗсене чӗннӗччӗ. Ларура, çавӑн пекех, Раççей Шалти ӗçсен министерствин Çӗпрел районӗнчи общество совечӗн ертӳçи Рамиль Абдрахманов та хутшăнчӗ.

Раççей Шалти ӗçсен министерствин Çӗпрел районӗнчи уйрăмӗн начальникӗ, полици подполковникӗ Раиль Гатауллин, ветерансен совечӗн ертӳçи, отставкӑри милици майорӗ Фариз Шакиров тата Рамиль Абдрахманов ветерансене уяв ячӗпе саламларӗҫ, тав сӑмахӗсем каларӗҫ, сывлӑх тата ҫемье телейӗ сунчӗҫ.

Мероприяти вӑхӑтӗнче отставкӑри милици майорне Ильгам Нафиева ветерансен юхӑмӗнче хастар хутшӑннӑшӑн, ҫамрӑксене моральпе патриотла воспитани парас ӗҫре пысӑк тӳпе хывнӑшӑн Тав ҫырӑвӗ пачӗç. Юбилярсене: отставкӑри шалти ӗçсен капитанне Венера Алимована, отставкӑри милици капитанне Рафик Яфизова  та парнесем пачӗç.

Уяв ячӗпе ветерансен хушшинче Анголӑпа Ҫурҫӗр-Кавказ регионӗнчи ҫапӑҫу юхăмӗнче хутшӑннă, «Паттӑрлӑхшăн» медаль кавалерӗн, отставкăри милици майорӗн Фаркать Шигаповăн призӗсемшӗн шашкăпа шахмат ăмăртăвӗсем йӗркелерӗҫ.

Шахмат ӑмӑртӑвӗсен пӗтӗмлетӗвӗсем тӑрӑх, отставкӑри полици капитанӗ Айрат Хузиев – I, отставкӑри полици майорӗ Ильгам Нафиев – II, отставкӑри полицин аслӑ лейтенанчӗ Владимир Шумилов III вырӑнсене çӗнсе илчӗç.

Шашка вăййинче отставкӑри полицин прапорщикӗ Данир Мердеев – I, отставкӑри полицин прапорщикӗ Герман Дубанов – II, отставкӑри полицин аслӑ лейтенанчӗ Ильгам Якупов III вырӑнсене йышăнчӗç.

Мӗнпур призерсене те грамотӑсемпе парнесем пачӗç.