Сания Шакирова Кӗçӗн Чăнлă ялӗн хисеплӗ çынни

Кӗҫӗн Чăнлă ялӗнче пурӑнакан Сания Шакирова ҫуралнӑ кунӗ ячӗпе саламлама килнӗ ҫынсене: «90 ҫула эпӗ тин ҫеҫ паллӑ тунăччӗ пек, акă 95 ҫула та çитме мана пӳрнӗ», — тесе кӗтсе илчӗ.

Сания аппан тӑхӑмӗсем — вӑрӑм ӗмӗрлӗ ҫынсем. Амӑшӗ те, ашшӗ те, тӑванӗсем те тӑхӑрвунă çултан иртсен пурнăçран уйрăлса кайнă. 

Ял ҫыннин пӗр ӗмӗрлӗх (вӑл «нушапа ҫӗрçул патне çывхаратăп ӗнтӗ», тет) уявне тулăх сӗтел хушшинче, ӑна саламлама килнӗ пуҫлӑхсемпе паллӑ турӗç.

Юбилей ячӗпе ӑна районти Ӗҫ тӑвакан комитетăн ертӳҫи Рустам Мухаметзянов тата ял тӑрӑхӗн представителӗсем саламларӗҫ. Раҫҫей Президенчӗ Владимир Путин та Сания аппана саламлă çыру янă, ăшă сунăмсем суннă. 

Сания аппа паянхи ҫамрӑксемшӗн ӗҫчен, ырӑ чӗреллӗ амӑшӗн тӗслӗхӗ пулса тӑрать. Иртнӗ пурнӑҫшӑн — ӗҫченлӗхӗпе, ялăн мӑнаҫлӑхӗ пулмалăх — ачисемпе, мӑнукӗсемпе, кӗрӳшӗсемпе, тӑванӗсемпе хисеплӗ вăл.

Сания аппа Кӗçӗн Чăнлă ялӗнче ҫуралса ӳснӗ. Ялăн аслă çулсенчи çыннин шăпинче çӗршывăн историйӗн паллă пулăмӗсем хӑйсен йӗрне хăварнă. Вӑрҫӑ ҫулӗсенче вӗсем вӑкӑрсемпе çӗр сухаланӑ, тырă турттарнă, колхозри пур ӗҫсене те пурнӑҫланӑ. Ватӑлнӑ пулин те, ашшӗне, ҫемьен тӗп тӗрекӗ пулнă Нуруллана Суслонгер лагерьне илсе каяççӗ. Вӑл йывӑр чирлесен кăна ӑна тӑван енне яраççӗ.

«Манӑн аттепе анне питӗ ӗҫчен ҫынсем пулчӗç. Мухтав Турра, эпир выҫӑ ларман, выльӑх-чӗрлӗх усрарăмăр. 10 ҫул тултарнă-тултарман ӗҫе пуçăнтăм, вӗренме каяймарăм. «Эсӗ кайсан, эпир выҫӑ вилетпӗр», — тетчӗ анне. Ҫавӑнпа вӗренме те каяймарăм, — тесе аса илет вӑл иртнӗ ҫулӗсене.

Вӑрҫӑ хыҫҫӑн, ҫӗнтерӳпе таврӑннӑ Адижана качча тухать. Иккӗшӗ те ӗмӗр тӑршшӗпех колхозра вăй хураççӗ, халӑх хуҫалӑхне юсас ӗҫе пысӑк тӳпе хываççӗ.

Адижан пичче бригадир, хуҫалӑх заведующийӗ, бухгалтер пулса ӗҫлет. Сания аппа ҫулсерен 5-6 гектар сахăр чӗкӗнтӗрне çумран тасатнă, ҫавӑн пекех, пахчаҫимӗҫ: сухан, кишӗр, купӑста плантацийӗсенче вăй хунă.

— Ача чухне чун-чӗрере юлни — анне купӑста, пахчаҫимӗҫ, чӗкӗнтӗр анисем çинче нушаланни пулӗ, мӗншӗн тесен эпир — тӗп пулăшаканӗсем, унран пӗр кун та юлман, — тет Сания аппан хӗрӗ. 

Ӗçпе воспитани илнӗ ачасем те тӗслӗхлӗ пурнӑҫпа пурӑнаҫҫӗ. Ывӑлӗ, малта пыракан механизатор-комбайнер, Ингель тӗп никӗсре юлать. Хӑйӗн кинӗпе, малта пыракан дояркӑпа Зульфияпа килӗштерсе пурӑнать Сания аппа. 

Паянхи кун вӗсем иккӗшӗ кăна пурӑнаҫҫӗ. Сания аппа — хӑйӗн виҫӗ ачине, мăшăрне пытарнӑ, пурăнан пурнăçӗнче пӳрчӗ те ҫунса кайса, урамра нимӗнсӗрех тӑрса юлнӑ май, хуйхи-суйхине те нумай курма тӳр килнӗ хӗрарăма.

Сӑмах май, Сания аппан кӗрӳшӗ — Тутарстанăн халӑх артисчӗ, ăста купӑсҫӑ Кирам Сатиев. Апайӗн уявне вăл та килнӗччӗ. Вăл ырă кăмăллă пулнине палăртса, апайне 100 ҫул тултарнă хыççăн та нумай ҫул пурӑнма сунчӗ.

Малалла тăсса

Сания аппа — 11 мӑнукӗн, 23 кӗçӗн мӑнукӗн, икӗ мăн мӑнукӗн асламӑшӗ, кукамăшӗ. Ҫакӑн пек пуян тӑхӑмӗшӗн вӑл питӗ савăнать. Кинӗпе те пӗрле килӗштерсе пурăннăран, ăна чунтан тав турӗ, хӑнасемшӗн те савӑнчӗ. Вӑл пурне те ҫакӑн пек пысăк хисепе çак çулсене çитсен те курмалла пултăрччӗ, тесе сунчӗ.