ППЭ чи пӗчӗк балӗсене ҫирӗплетнӗ

Çутӗç тата наука ӗçӗ-хӗлӗнчи надзор енӗпе ӗҫлекен федераци служби (Рособрнадзор) 2026 ҫулта вăйра пулакан предметсен списокне тата ППЭ чи пӗчӗк балӗсене пичетлесе кӑларчӗ. 

Ведомство пӗлтернӗ тӑрӑх, шкул аттестатне илме вырӑс чӗлхипе 24 балран кая мар пухмалла, ҫавӑн пекех, база шайӗнчи математикӑпа экзамен памалла. Вырӑс чӗлхипе аслӑ шкулсене вӗренме кӗмелли чи пӗчӗк балл пысӑкрах, 36 бала тӳрӗ килет.

Суйласа илнӗ предметсен хушшинче чи пысӑк минималлă бала обществознанипе палӑртнӑ – 42. Информатикӑпа вӑл 40 балл, географипе – 37. Биологипе, физикӑпа тата химипе сахалтан та 36 балран кая мар пухмалла, историпе тата литературӑпа – 32 балл. Профильлӗ математикӑпа чи пӗчӗк балл – 27, ют чӗлхесемпе – 22 балл.