Пире савăнтарчӗç

Акă кăçал та Ватăсен кунӗ çитрӗ, çаплах, иртсе те кайрӗ. Эпир, аслă çулсенчи çынсем, тата пӗр çула ватăлтăмăр.

Çапах та, пире ватă çынсем тесен те, Эпир ахаль лармастпăр – пахчаçимӗç туса илетпӗр, чăх-чӗпсем усратпăр. Çак пурнăçра ялан савăнса кăна пурăнмалла, теççӗ вӗт психологсем те. Çакăн сăлтавӗ те пулсах тăрать. Акă, эпӗ ӗçлесе тивӗçлӗ канăва тухнă «Государев Амбар» предприятийӗнчен пенсионерсене саламласа, кашнинех 25 килограмм пысăк сортлă çăнăх парса тухрӗç. Ку пирӗншӗн питӗ пысăк парне вӗт ӗнтӗ. Мӗнле савăнмăн?!

«Государев Амбар» предприятийӗн генеральнăй директорӗ Василь Салахов унта ертӳçӗ пулса ӗçлеме пуçланăранпа – 15 çул. Çак çулсем хушшинче пенсионерсене вăл нихăçан та манман. Тавтапуç, паллах! Хăйсем те, ӗçӗсем ăнăçлă пынишӗн савăнччăр.

Лидия Васиярова,Пăрăнтăк станцийӗ.