Наци культурисен тата йăла-йӗркесен çулталăкне пӗтӗмлетрӗç

Тутарстан Республикин Раисӗ Рустам Минниханов ăна наци культурисен тата йӑла-йӗркесен ҫулталӑкӗ тесе пӗлтернӗччӗ. Раҫҫейре вара 2023 ҫул педагогпа наставник ҫулталӑкӗ пек иртрӗ.

Ҫак кунсенче районти Культура çуртӗнче наци культурисемпе йӑла-йӗркесен ҫулталӑкне пӗтӗмлетрӗç.

Мероприяти шайӗнче район пуҫлӑхӗ Марат Гафаров районти, республикӑри конкурссене хутшӑнса, çак çулпа ҫыхӑннӑ проектсене вăя кӗртессине тивӗҫтерекенсене Тав ҫырӑвӗсемпе тата Хисеп хучӗсемпе чысларӗ. Вӑл хастар пурнӑҫ илсе пыракансене тата района аталантарас ӗҫе пысӑк тӳпе хывакансене пурне те тав турӗ.