Наци ӗçӗн хуралӗнче

Григорий Семенов ячӗллӗ Хулаçырми вăтам шкулӗн директорӗ Надежда Мокшина чӑваш халӑхӗн чӗлхине, йӑли-йӗркине тата фольклорне упраса хăварас тӗлӗшпе нумай ҫул ӗҫленӗшӗн Тутарстанри халӑхсен Ассамблейин Тав ҫырӑвне тивӗҫлӗ пулчӗ.

Надежда Федоровна ҫитӗнӗвӗсем хушшинче Тутарстан Республикин Экономика министерствин грантне ӑнӑҫлӑн пурнӑҫласси тăрать. Ҫак гранта пула шкулта акт залне ҫӗнетнӗ, шкул музейне туллилентернӗ. Пӗлӳ паракан учрежденире вӗренекенсем чӑваш халӑхӗн традицийӗсене малалла тӑсаҫҫӗ, наци уявӗсене, фестивальсемпе конкурссене хастар хутшӑнаҫҫӗ.