Лайӑх ҫывӑрас тесен нуски тӑхӑнӑр

Специалистсем лайӑх ҫывӑрас тесен нуски тӑхӑнма сӗнеҫҫӗ. Çăм нуски тăхăнса çывăрас ыйту нумай çыншăн çапах та тавлашуллă пулса юлать.

Анчах тӗпчевсем ҫакна палӑртнӑ: ҫынсенчен нумайăшӗ нуски тăхăнса ҫывӑрма юратать иккен. Çав вăхăтрах теприсем кун пек ҫывӑрма меллӗ мар,  тесе шутлаҫҫӗ. 

Тем тесен те, нуски сывлӑх тата ыйхӑ çине лайӑх витӗм кӳни пирки наука кӑтартӑвӗсем те пур. 

Нуски тӑхӑнса ҫывӑрнин лайăх енӗсем

Çăм нуски ҫывӑрнӑ чухне урари юн ҫаврӑнӑшне вӑйлатать. Ку, хӑй енчен, ӳтӗн шалти температурине чакарас хӑвӑртлӑха ӳстерет. Ҫывӑрма сивӗрех температура кирлӗ пулнӑран нуски сире хӑвӑртрах ҫывӑрса кайма пулӑшать.

Нуски тăхăнса ҫывӑрнин усси

1. Юн ҫаврӑнӑшӗ лайӑхланать: нуски тăхăнса ҫывӑрни юн ҫаврӑнӑшне лайӑхлатать, юн тымарӗсене анлӑлатать. 
2. Терморегуляци. Ӳт-пăвӗн оптималлӑ температурине тытса тӑма пулăшать.
3. Шыҫӑнасран сыхлать. Менопауза вăхăтӗнче хӗрарӑмсен  ҫывӑрса каясси йывӑрланать. Шыҫӑнни – гормонла улшӑнусене хирӗҫле реакци. Ҫывӑрма выртас умӗн нуски тăхăнсан, кунран хӑтӑлма пулать, юн тымарӗсем сарӑлаҫҫӗ, ӳтӗн шалти температури чакать, хӑвӑртрах ҫывӑрса кайма май парать.

Ҫывӑрнӑ чухне тӑхӑнма чи лайӑх нуски

1. Кашемир нуски. Кашемир сӳсӗсен диаметрӗ меринос ҫӑмӗнчен тата мамӑкран çӳхерех, ҫакӑ вӗсене ӑшша питӗ лайӑх упрама май парать. Вӑл ӑшӑнма пулӑшать пулин те, кашемирӑн сӳс  структури сывлӑша та кӗртет. Ку, хӑй енчен, терморегуляцие пулӑшать. 
2. Меринос ҫӑмӗнчен çыхнă нуски. Меринос ҫӑмӗнчен çыхнă нуски те ҫывӑрма чи лайăххи пулса шутланать. Меринос тарлаттармасть, ҫав вӑхӑтрах тӗлӗнмелле меллӗ те.
3. Качака мамӑкӗнчен çыхнă нуски. Вăл юн тымарӗсене сарать. Ура тӗпӗ ҫурӑлнипе аптӑратӑр пулсан, каҫхине урасене тӑварлӑ шывра ҫăвӑр, ӳте нӳрлентерекен крем сӗрӗр, нуски тӑхӑнӑр. Асӑннӑ процедурӑна тӑтӑшах туса тăрсан, ӳт ҫемҫелӗ, пулнă проблема çинчен вара, манатӑр.