Контрактниксене тӳлев 3,1 млн. тенкӗ таран ӳсрӗ

Çакă — ҫӗршыври чи пысӑк тӳлевсенчен пӗри.

Тӳлев икӗ пайран тӑрать: 2,7 млн. тенкӗ — Тутарстанран, 400 пин тенкӗ — оборона Министерствинчен.

Пӗр хутчен паракан тӳлеве ӳстерни — Тутарстанра ҫар ҫыннисене, ятарлӑ ҫар операцийӗсен ветеранӗсене тата вӗсен ҫемйисене халиччен пулман пулӑшу паракан системӑн пӗр пайӗ кӑна.

Ҫулталӑк пуҫланнӑранпа июль уйӑхӗн вӗҫӗччен республикӑра çывхартса шутласан 10 пине яхӑн ҫын контракт çырнă.

Республикӑна ҫӗршывӑн ытти регионӗсенчен килекен потенциаллӑ контрактниксене ҫулшӑн, пурӑннӑшӑн тата апатланнӑшӑн тӳлӗҫ. Хусанта çакӑн валли ятарлă «Батыр» контрактпа службăна кайма суйлав центрӗ уҫӑлчӗ.

Унсӑр пуҫне, республикӑра БПЛА подразделенийӗсене каймашкӑн направлени илме пулать. Ҫавӑн пекех Тутарстан — РФ оборона Министерствин элиталлӑ Африка корпусне лекме май паракан сахал регионсенчен пӗри.

Контрактниксене кунта экипировкăпа тивӗҫтереҫҫӗ, централизациленӗ майпа йӗркелӳ вырӑнӗнчи чаҫсене яраҫҫӗ, вӗсем унта полигонсенче хатӗрлену иртеççӗ. Чаҫе илнӗ хыççăн ҫар ҫыннисене пӗр хутчен парӑнакан тӳлев — 3,1 миллион тенкӗ. Ятарлӑ ҫар операцийӗсен зонинче вӗсене укçапа тивӗçтересси кашни уйӑхра 210 пин тенкӗ тата унран та ытларах пулать.

Ятарлӑ ҫар операцине хутшӑнакан кашни ҫын ҫапӑҫу ветеранӗн статусне тата уйӑхсерен тивӗçекен тӳлев илӗ. Унта хутшӑнакансем тата вӗсен ҫемйисен членӗсем валли Тутарстанра ҫӑмӑллӑхсен тулли спектрне пӑхса хӑварнӑ: 10 миллион тенкӗ таран парӑма тӳлессинчен пăрăнасси, кредит каникулӗсем, обществӑлла транспортра тӳлевсӗр, мероприятисене тата спорт секцийӗсене тӳлевсӗр ҫӳресси, аслӑ тата вӑтам вӗренӳ заведенийӗсене бюджет вырӑнӗсене кӗресси тата ытти те.