Кайӑк-кӗшӗк туяннӑ чухне асӑрхануллӑ пулӑр

Кайăк-кӗшӗк туянса, чире хăвăн хуҫалӑхна кӗртес мар тесен мӗнле ӗç илсе пымалли çак чир çинчен районти ветеринари службин ертӳҫи Айрат Иматдинов каласа парать.

— Кайӑк гриппӗ — вируслă чир. Вӑл апат-ҫимӗҫ, сывлав органӗсене сиенлет, кайӑксене массӑллӑ вилӗм патне илсе ҫитерме пултарать. Чир пӗтӗмӗшле вӑйсӑрлӑхпа, сӳрӗк пулнипе, продуктивлăха чакарнипе палӑрать. Сипленме эмел ҫук. Ҫавӑнпа та чирлӗ кайӑка çука кăлараççӗ. Чирӗн инкубаци тапхӑрӗ 21 кун шутланать, — тет Айрат Иматдинов.

Эксперт каланӑ тӑрӑх, кайӑк гриппӗн вирусӗ вӗҫен кайӑксен йышне пӗтӗмпех сиенлетет, унтан 100 процентлӑ вилӗм патне 48-96 сехет хушшинче илсе ҫитерме пултарать. Малтанхи 48 сехетре сиенленнӗ кайăк-кӗшӗк органӗнче клиникӑллӑ картинӑсемпе паталогоанатомика улшӑнӑвӗсем палăрмаççӗ. Чир 96 сехете тӑсӑлнӑ тапхӑрта депрессин характерлӑ паллисем палӑраҫҫӗ, вӗсем апат çимеççӗ, шыв ӗҫме пӑрахаҫҫӗ. Вӗҫен кайӑксен лӑймака сийӗсем, кикирӗкӗсем кӑвакара пуҫлаҫҫӗ, тӗп нерв системи сиенленет.

2024 ҫулăн пуҫламӑшӗнчен пуҫласа Раҫҫейӗн виҫӗ регионӗнче кайӑк гриппӗн 4 тӗслӗхне регистрациленӗ.

Кайӑк грипӗн профилактики енӗпе рекомендацисем

Хуҫисен килти кайӑк-кӗшӗке ют кайӑксемпе контакта кӗме пулман условисенче тытмалла, апат хупӑ пӳлӗмсенче пулмалла. 

Кайăк-кӗшӗке шыв-шурсене кăлармалла мар. Ҫывӑхри территорисенче кайӑк грипӗн вирусне тупса палӑртас пулсан, экономика сиенӗнчен хӑтӑлас тесен кайăк-кӗшӗке пусма тытăнмалла.

Кунсӑр пуҫне кайӑк-кӗшӗк грипӗ енӗпе тăнăç пулнă районсемпе облаҫсенчен кӑна туянмалла. Кайӑк-кӗшӗк туяннӑ чухне сутаканран кайӑк-кӗшӗкӗн ветеринарипе ӑсату докуменчӗсене пама ыйтмалла. Ҫӗнӗрен туяннӑ килти кайӑка-кӗшӗке сахалтан та 10 кунран та кая мар уйрăм тытмалла, ҫак тапхӑрта тимлӗн сӑнаса тăмалла. Чир палли палӑрсан е кайӑк-кӗшӗк вилме пуҫласан, ун ҫинчен тăхтаса тăмасăр ветеринари службине пӗлтермелле. Харпӑр хӑй гигиени правилисене пурнăçламалла.

Кайӑксене ятарласа ҫӗлетнӗ тумтирпе атӑ-пушмакпа ҫеҫ пӑхмалла, тумтирсене яланах ҫуса таса тытмалла.