Кайӑк-кӗшӗк гриппӗ. Мӗнле чир вӑл?

Чӑваш Республикинче кайӑк-кӗшӗксенче «Кайӑк грипӗн» чирӗ палӑрнӑ. Ҫак чир тата унӑн паллисем ҫинчен эпир «Ҫӗпрел районӗнчи патшалӑх ветеринари пӗрлешӗвӗ» бюджет учрежденийӗн начальникӗ-тӗп ветеринари врачӗнчен Расим Низамовран каласа пама ыйтрăмăр.

— Раҫҫей Федерацийӗнче кайӑк-кӗшӗк гриппӗ тапхӑрӑн-тапхӑрӑн ҫулӑмланни чире малалла сарӑлма парать. Ҫулталӑк пуҫланнӑранпа 3 регионта чирӗн 4 вучахне тупса палӑртнӑ.
Кайӑк-кӗшӗк грипӗ — килти тата хур-кайӑксен чирӗ, вăл респиратор органӗсем тата хырӑмлăх-пыршă тракчӗ сиенленнипе, продуктивлăх чакнипе палӑрса тӑрать.

Кайӑк-кӗшӗк грипӗн вирусӗ мӗнпур чăх-чӗпсене, хур-кăвакалсене пӗтӗмпех сиенлет, ҫакӑн хыҫҫӑн 48-96 сехет хушшинче 100 процент вилӗмпе вӗҫленет. Сиенленнӗ кайӑк-кӗшӗкӗн малтанхи 48 сехетре мӗнле те пулин клиника паллисем, органсенче тата тӗртӗмсенчи паталогоанатомика улшӑнӑвӗсем курăнмаҫҫӗ. Чирлӗ кайăк-кӗшӗкре вăрах вăхăт хушши (96 сехет), депресси, апат çименни тата шыв ӗçменни пек клиника паллисем палăраççӗ. Йӑлмака витӗмӗсем, киккирикӗ кӑвакарать, тӗп нерв системи сиенленет.

Килти кайӑк-кӗшӗке ют кайӑк-кӗшӗкпе хутшăнтармалла мар. Апата хупӑ пӳлӗмсенче сыхламалла. Кайӑк-кӗшӗке пурӗ те грипп енӗпе хăрушă пулман облаҫсемпе районсенчен кӑна туянмалла. Кайӑк-кӗшӗк туяннă чухне сутуçăсенчен ветеринари докуменчӗсене ыйтмалла. Туяннă хыççăн кайӑк-кӗшӗке 10 кун хушши уйрӑм тытмалла, ҫак тапхӑрта вӗсене тимлӗн сӑнаса тӑмалла. Чир паллисем курăнсан, кайăк-кӗшӗк вилсен, ветеринари службине 8 (84375) 2-24-77 телефон номерӗпе пӗлтермелле. 

Кайӑк-кӗшӗке ятарлӑ тумтир тата атă-пушмак тăхăнса кăна апат пама тăрăшмалла.