Йытӑсене чипировани тăвасси — обязательный

2025 ҫулта йытӑсене чипировани тăвасси ҫинчен эпир хаҫатӑн маларахри номерӗнче пӗлтернӗччӗ. Ҫак обязательнӑй мера пирки, урӑхла каласан, чипировани пирки ӑнлантарса пама эпир районти ветеринари пӗрлешӗвӗн ертӳҫинчен Расим Низамовран ыйтрӑмӑр.

— Йытӑсене чипировани туни — выльӑха миниатюрӑллӑ хатӗр пулăшнипе идентификацилемелли меслет, ӑна ыраттармасăр тата хӑрушсӑрла майпа ӳт айне кӗртеҫҫӗ. Тӗрӗссипе, çакă йытă тата унӑн хуҫи ҫинчен тӗп информацие тытса тӑракан электронлӑ паспорт, — тет кун пирки Расим Низамов. 

Ертӳҫӗ палӑртнӑ тӑрӑх, процедура 15 цифрăллă комбинациленӗ микрочипа тир айне кӗртесси пулса тăрать: 
малтанхи виҫӗ цифра патшалӑх кодне кăтартать;

Ун хыҫҫӑнхи 4 цифра производителе кӑтартать; 

ытти 8 цифра чӗрчун ҫинчен калакан информацие упрать: йыттӑн ятне, ҫуралнӑ кунне, ӑратне, хуҫин контакт даннӑйӗсене тата ытти даннӑйсене. 

Чип — рис кӗрпи пӗрчинчен пысӑк пулман капсула пек. Транспондер ӗмӗрлӗхех ӳт ăшӗнче юлать, нимӗнле дискомфорт та кăларса тăратмасть. 

Йытӑсене чипировани тунин хӑш-пӗр лайăх енӗсем:

ют çӗршыва кайни. Чипировани туни чикӗ леш енне кайнă чухне обязательнӑй услови пулса тӑрать, ҫавӑнпа та эсир хӑвӑр йыттăрпа ҫул ҫӳреме пултаратӑр; 

ҫухалнӑ чӗрчуна шырама май парать. Енчен йытӑ ҫухалсан, тупнӑ ҫын ӑна ветклиникӑна илсе кайма, выльӑх-чӗрлӗхе идентификацилеме тата хуҫине тупма пултараять.

тӗрлӗ куравсене хутшӑнни. Куравсенче тата ытти массӑллӑ мероприятисенче чипланӑ чӗрчунсем кӑна хутшăнма пултараҫҫӗ. 
йытта вӑрланă, ҫухатнă е улӑштарнă тӗслӗхре йытă санăн пулнине çирӗплетме май парать.