Ящур — хӑрушӑ чир

Унпа çынсем те, питех те ачасем, чирлеме пултараççĕ.

Çак чир ҫинчен районти ветеринари пӗрлешӗвӗн ертӳҫи Айрат Иматдинов каласа пачӗ.

— Вирус сĕлекепе, сĕтпе, шăкпа, каяш урлă та пӳлӗнсе тухать. Выльăх-чĕрлĕх çӳрекен вырăна, витене тата кил хуçалăхĕнче усă куракан хатĕр-хĕтĕрте тата транспортра та ящур хăйĕн вирусне хăварма пултарать. 
Калта выльӑх-чӗрлӗх тухӑҫлӑхне чакарни, кӑпӑклӑ сӗлеке кăларни тӗп паллӑсем пулса тӑраҫҫӗ. Выльӑхсен ҫӑварӗнче, тута хӗррисенче, шӑл тунисем хушшинче, урисем хушшинче тӗрлӗ пысӑкăшра хӑмпӑсемпе эрози пулса каять.

Чирлӗ чӗрчунсене çав вăхăтрах уйӑрмалла, кун ҫинчен ветеринари службине пӗлтермелле. 

Ящур вирусӗ 5 минут хушши вӗресен, ультрафиолет пайăркисен, дезинфицилекен хатӗрсен тата пысӑк кислоталлă сывлӑш витӗмӗпе пӗтет. Чир ҫынран ҫынна куҫмасть.

Килти е фермăри выльăха кашни кун сăнаса тăмалла. Енчен те выльăхра малтан каланă пек ящур чирĕн паллисене асăрхасан, ветеринари специалисчĕсене чĕнсе илмелле, вӗсем киличчен выльăхсене изоляцилемелле.