Ентешӗмӗре Мухарям Абулханова – 90 ҫул

Ентешӗмӗр, Ӗҫ Мухтавӗн орденӗн тулли кавалерӗ Мухарям Камалетдинович Абулханов  90 ҫул тултарчӗ.  Унӑн ячӗпе  Геройсен Аллейинче 1 номерлӗ Кивӗ Çӗпрел вăтам шкулӗнче вӗренекенсем  тата ҫамрӑк армеецсем хутшӑннипе мероприяти йӗркелерӗç. Кунта унӑн ячӗпе бюст вырнаҫтарнӑ.

Мероприятире Ӗҫ тӑвакан комитет ертӳҫин çумӗ Айрат Залялов  ентешӗмӗрӗн биографийӗ ҫинчен каласа пачӗ, Çӗпрел ҫыннисем унӑн ӗҫри ҫитӗнӗвӗсемпе ăнăçланнине тата вăл район çыннисемшӗн тӗслӗх пулнине палӑртса иртрӗ.

Ун хыççăн мероприяти ентешӗмӗрӗн ҫуртӗнче Ульяновскра малалла пычӗ. Унта Айрат Залялов район пуҫлӑхӗ Марат Гафаров  ятӗнчен салам сӑмахӗсене çитерчӗ.

Мухарям Камалетдиновича районăн юбилей медальне тата Ҫӗпрел районӗн энциклопедине пачӗç, унта ентешӗмӗрӗн ӗҫ биографине палăртнă.  Юбилей ячӗпе саламласа, Айрат Залялов ӑна ҫирӗп сывлӑх тата вăрăм ӗмӗр сунчӗ.

Шел пулин те, Мухарям Камалетдиновичӑн нумаях пулмасть мăшăрӗ вилнӗ тата вӑл пӗччен тăрса юлнă. Телее, юнашар кăна хӗрӗ пурӑнать, вӑл кунсерен темелле ун патне çӳрет, халне пӗлет.

Мухарям Камалетдинович Ҫӗпрел районӗнчи Анат Чакă ялӗнче колхозник ҫемйинче ҫуралнӑ. 1943 ҫулта вӗсем ҫемйипе Ульяновск хулине куҫса каяççӗ. Унӑн аслă тетӗшӗ тата йӑмӑкӗ пулнă, вăл халӗ Тюменьре пурăнать. Ашшӗ вӑрҫӑра хутшăнать, амӑшӗпе ашшӗне Ульяновск хулинче пытарнӑ.

Паянхи кун Абулхановсен Анат Чакă ялӗнче тăванӗсем юлман, анчах Мухарям Камалетдинович тӑван енӗсене манмасть, районти мероприятисене час-часах килсе çӳрет.  Унӑн юлашки визичӗ 5 ҫул каялла 85 ҫулхи юбилейне уявланӑ май пулчӗ.

Мухарям Камалетдинович 1954-1957 ҫулсенче Красноярск хулинче Совет Ҫарӗн ретӗнче служить тăвать. Служба хыҫҫӑн каменщик пулса ӗҫлет. Пысăк панельлӗ çурт тумалли монтажниксен бригадирне хатӗрлекен курссенче пулать, ăна вӗҫленӗ хыҫҫӑн Куйбышев облаҫӗнче Нефтегорск строительствине янӑ.

1965 çулта Мухарям Камалетдинович  Ульяновск хулине таврӑнать, ҫуртсем тӑвакан организацие ӗҫе вырнаҫать. Тепӗр икӗ ҫул хыççăн панельлӗ ҫурт тӑвакан монтажниксен бригадирӗ пулма палăртаççӗ. Ҫак должноçра  вӑл виçӗ теçетке çултан ытла – 1998 ҫулччен, тивӗçлӗ канăва  тухиччен ӗçлет.

70-мӗш çулсенче Мухарям Камалетдинович бригади ҫулсерен пин ҫурӑ хваттере усă курма парать. Ӗҫри тава тивӗҫлӗ ӗҫсемшӗн «Ӗçри паттăрлăхшăн.В.И. Ленин ҫуралнӑранпа  100 ҫул ҫитнӗ ятпа» тӑватӑ орденпа юбилей медальне, ҫав шутра Ленин мемориалӗн объекчӗсемшӗн Ӗҫлӗх Хӗрлӗ Ялав орденӗпе парнеленет. 1985 ҫулхи декабрӗн 20-мӗшӗнче  ентешӗмӗр Ӗҫ Мухтав орденӗн тулли кавалерӗн ятне тивӗҫлӗ пулать, ҫавӑн пекех хулапа облаҫ ертӳçисен Хисеп грамотисемпе тата Тав ҫырӑвӗсемпе парнеленет.