Ентешӗмӗре Хисеп кӗнекине кӗртнӗ

Нумаях пулмасть Ульяновск хулинчи шкулсенчен пӗринчи, таврапӗлӳ музейӗнче Ульяновск облаçӗн кӗпӗрнаттăрӗпе С.И.Морозовпа регионта патриотла воспитанин федераллă программине пурнăçа кӗртме пулăшакансем тӗл пулнă

Ентеше хисеплесе

 Тӗслӗхрен, «Астăвăм сачӗ», «Вăхăт иртсен те кивелмест», «Георгий хăйăвӗ», «Çурта çут»... Область центрне «Ӗç мухтавӗн хули» ята партарассишӗн те тăрăшаççӗ кунта. Кӗпӗрнаттăр шучӗпе, çамрăксенче патриот туйăмне вăйлатас тесен кашни муниципаллă пӗрлешӳсенче Çӗнтерӳ музейӗсем пулмалла. Регион шайӗнче халӗ Ӗç мухтавӗн музейне йӗркелес ӗçсем пыраççӗ.

Тӗлпулура Ульяновск облаçӗн кӗпӗрнаттăрӗ Сергей Иванович Морозов патриотла воспитани системине аталантарас ӗçе хастар хутшăнакан 9 чи хастар çынна Ульяновск облаçӗнчи «Пӗчӗк Тăван çӗршывăн геройӗсем» ятлă Хисеп кӗнекине кӗртни çинчен ӗнентерекен свидетельство парса чысларӗ. Вӗсен шутӗнче пирӗн ентешӗмӗр, Çӗнӗ Йӗлмел ялӗнче çуралса ӳснӗ, чылай çул Ульяновск хулинче пурăнакан таврапӗлӳçӗ, Чăваш таврапӗлӳçисен союзӗн Ульяновск облаçӗнчи уйрăмӗн ертӳçи Николай Казаков та пулчӗ. Çак хисепе Николай Александрович таврапӗлӳри ырми-канми ӗçӗшӗн тивӗçнӗ. Вăл таврапӗлӳпе çыхăннă мероприятисене хутшăнмасăр нихăçан та юлман. Çак темăпа наукăлла статьясем, очерксем, калавсем çырса тӗрлӗ хаçат-журналсенче пичетлет. Темиçе кӗнеке авторӗ. Н.Казаков çавăн пекех ытти таврапӗлӳçӗсене те кӗнекесем кăларма пулăшать.

Ентешӗмӗре хисеплӗ ятпа саламлатпăр!