Электронлӑ пулӑшу – меллӗ

Электронлӑ услугăсем хăтлă пулни çинчен çырнăччӗ ӗнтӗ, тата тепӗр хут аса илтересшӗн.

Патшалӑх тата муниципалитет пулӑшӑвӗсен порталӗнче (патшалӑх тата муниципалитет пулӑшӑвне электронлӑ майпа парассине тивӗҫтерекен патшалӑхăн информаци тытӑмӗ) пӗр-пӗр ыйтӑва тивӗҫтермешкӗн электронлӑ майпа заявлени пама пулать. Пулӑшу ӗҫӗсене (патшалӑх пошлинисем, административлӑ штрафсем, налук парӑмӗ, пурӑнмалли ҫурт-йӗрпе коммуналлӑ пулӑшу ӗҫӗсем), ҫыхӑну пулӑшăвӗн ӗҫӗсене (телефон, интернет, телевидени тата ытти те) тӗрлӗ банк карттисемпе усӑ курса тӳлеме пулать, электронлӑ черете ҫырӑнма пулать.

Ҫак меллӗ майсем вӑхӑта перекетлеме май параҫҫӗ. Санӑн килте компьютер е телефон пур пулсан, ниҫта та кайса çӳремӗн. Пулӑшусене электронлӑ майпа илмешкӗн патшалӑх тата муниципалитет пулӑшӑвӗсен порталӗн телефонне е компьютера кӑна вырнаҫтармалла тата унта регистрациленмелле.