Елабугӑра инвалидсем хушшинче армрестлинг енӗпе Тутарстан Республикин чемпионачӗ иртрӗ

Ӑмӑртусенче Пӗтӗм тӗнче, Европа, Раҫҫей тата Тутарстан чемпионӗсем хутшӑнчӗҫ. Унта хутшӑнакансем Азнакаево, Балтаси, Набережные Челны, Хусан, Мамадыш, Кукмара тата ытти нумай районсенчен килнӗ. Вӗсем хушшинче пирӗн ентеш, Аслă Аксу ялӗнче пурӑнакан Петр Мускатинов та пурччӗ. Вӑл маларах та сакăр çул пӗр тăтăш алӑ вăйне виçес енӗпе кӗрешсе, Тутарстан Республикин чемпионӗн титулне ҫӗнсе илсе пычӗ. Ку хутӗнче те ҫӗнтерӳ унран пӑрӑнса иртмерӗ. Петр Мускатинов армрестлинг спорт тӗсӗ енӗпе çӗнтерсе, ылтӑн медаль çӗнсе илчӗ.

Ентешӗмӗре               «Тутарстан Республикин тава тивӗҫлӗ транспорт ӗҫченӗ» текен хисеплӗ ят пачӗç.

Тутарстан Республикин Президенчӗ Рустам Минниханов «Газпром межрегионгаз Казань» обществăн ӗҫченӗсене предприяти йӗркеленнӗренпе 25 ҫул çитнӗ ятпа саламланӑ тата Тутарстанӑн патшалӑх наградисене пачӗ. Парнеленнисем хушшинче пирӗн ентеш те пурччӗ. ТР Президенчӗн Указӗпе «Газпром межрегионгаз Казань» обществăн транспорт пайӗн начальникне Ильмас Асхатович Ситдикова «Тутарстан Республикин тава тивӗҫлӗ транспорт ӗҫченӗ» хисеплӗ ят панӑ.

Ильмас Ситдиков Кивӗ Кахӑрлă ялӗнче ҫуралнӑ. 1998 ҫултан пуҫласа 2003 ҫулччен Хусанти патшалăх ял хуçалăх институтӗнче вӗреннӗ. «Газпром межрегионгаз Казань» обществăнра 2004 ҫултанпа ӗҫлет.