«Единая Россия» партийӗн вырӑнти уйрӑмӗн конференцийӗ иртрӗ

Мероприяти XXXIII конференцийӗн иккӗмӗш тапхӑрӗ пулчӗ. 

Унта Пӗтӗм Раҫҫейри «Единая Россия» политика партийӗн вырӑнти пуçламăш уйрӑмӗн делегачӗсем, район совечӗн депутачӗсем, партийӗн политика совечӗн членӗсем, активистсем хутшӑнчӗç. Конференцие «Единая Россия» партийӗн Ҫӗпрелӗнчи вырăнти уйрӑмӗн секретарӗн ҫумӗ Алексей Ярухин ертсе пычӗ. Конференци ӗçӗнче хутшӑнакансем Ҫӗпрелӗнчи вырӑнти уйрӑмăн ҫитес тапхӑрти тӗллевӗсене сӳтсе яврӗҫ, ТР Патшалӑх Совечӗн депутачӗсен суйлавӗн пӗтӗмлетӗвӗсене палăртрӗç. 

Алексей Ярухин тунӑ ӗҫсене пысӑк хак пачӗ. «Малашне те лайӑх ӗҫсемпе, ҫӗнӗ хыпарсемпе, ҫитӗнӳсемпе пурӑнмалла пултăрччӗ», — тесе пӗлтерчӗ вӑл. Конференци шайӗнче партин вырӑнти политика совечӗн составне хӑш-пӗр улшӑнусем те кӗртрӗç. Çамрăксем уçă сасӑлав ҫулӗпе ротаци ирттерчӗç. Унтан партийӗн çӗнӗрен йышăннă членӗсене билетсем пачӗҫ.