Доброволецсем Бадретдиновсем

Ҫак патриот каччăсен йăх-несӗлӗ Аслă Чăнлă ялӗпе ҫыхӑннӑ. Чи малтан Фанис Бадретдиновпа паллаштарас килет. Вӑл ҫак ялта ҫуралса ӳснӗ. Тӑванăмăн Вагиз тата Гульфузăн ывӑлӗ çар службине кайиччен, вӑтам шкултан вӗренсе тухнӑ хыҫҫӑн, «Ирек» колхозра комбайнера пулăшакан, механизатор пулса ӗҫлерӗ. Ҫар службине Лӑпкӑ океан флочӗн матросӗ, мичманӗ пулса 3 çул службăра тăчӗ. Хăйсен ирӗкӗпе каякансен ретне тăнă самантра вӑл 56 ҫултаччӗ, вӑл Ульяновск хулинче пурăнатчӗ.

Виҫӗ эрне маларах ятарлă çар операцине унӑн ывӑлӗ Альберт кайрӗ. Вӑл ҫар службинче икӗ ҫул служить туса таврăннă хыҫҫӑн, пӗр уйӑх канчӗ те хӑйӗн ирӗкӗпе контракт çырчӗ. Новосибирскра, унтан Псковра сывлӑшпа десант ҫарӗсен «Спецназ» подразделенийӗсенче ҫирӗп хăнăху илнӗ хыҫҫӑн, ҫамрӑк каччă Тӑван çӗршыва сыхланă çӗрте хастарлӑхпа паттӑрлӑх кӑтартать.

Виҫҫӗмӗшне, иртнӗ çулхи май уйӑхӗн вӗҫӗнче ывӑлăмăра Эльбруса ӑсатрӑмӑр. Вӑл Чӑваш Енӗн Патӑрьел ялӗнче ҫуралса, Ульяновск хулинче пурӑнсан та, унăн йӑх-несӗл тымарӗсем Аслă Чăнлăпа ҫыхӑннă.

Мӗншӗн тесен эпӗ те, манӑн атте-асатте те ҫавӑнтан. Амăшӗпе Дилярапа эпир те çак ял ҫыннисем. 51 ҫул тултарсан ман ывӑл та çӗршывăмăра сыхлас тесе ăнтăлчӗ. Çак йышăнăва вӑл:

— Асатте те, кукаçей те вăрçăра хутшăннă. Санӑн шӑллу Кашаф та Тӑван çӗршывӑн Аслӑ вӑрҫинче пирӗн пуласлӑх ҫутӑ пултӑр тесе пуҫне хунӑ. Паян эпир, каччăсемпе арҫынсем, хӳтӗлемесен, ҫӗршывăмăра кам хӳтӗлӗ, — тесе хуравларӗ.

Акӑ ҫулталӑк та иртрӗ. Тавах Турра, виҫӗ Бадретдинов — чӗрӗ те сывах. Чӑнах та, Фанис икӗ хут аманчӗ, анчах службӑна малалла тӑсать. Виҫҫӗшӗ те декабрь уйӑхӗнче пӗрин хыҫҫӑн тепри кӗске вӑхӑтлӑ отпускра пулчӗҫ. Тӗл пултӑмӑр, калаҫрӑмӑр...
Эпир тӗнче тăнăçлантăр, малашнехи кунсенче ырă-сывă курнăçăпăр тесе, пурте лайӑх пултӑрччӗ, тесе ӗмӗтленетпӗр.

Сагит Бадретдинов, Ульяновск — Ишеевка — Аслă Чăнлă.